好多人都誤解理財就係要死慳死抵，其實真正嘅理財係學識點樣分配資源。簡單嚟講，可以將支出分為三類：必要、需要同想要。
「必要」係指生活基本開支，好似租金、水電煤、交通費同基本飲食，呢啲錢冇得慳。「需要」係指提升生活品質嘅支出，例如偶爾同朋友食餐好嘢、買件衫獎勵自己，適當嘅需要可以保持生活動力。而「想要」就係衝動消費，例如最新型號手機、名牌手袋，呢類支出最容易影響財務健康。
建議大家實行「50/30/20」法則：50%收入用於必要開支，30%用於需要，20%用於儲蓄或投資。建立咗清晰嘅理財習慣，日後有需要申請貸款時，自然更清楚自己嘅還款能力，唔會盲目借貸。
